Spanja do të rihapë kufijtë e saj për shumicën e vizitorëve europianë nga 21 qershori, 10 ditë më parë se sa ishte planifikuar më parë, por një javë më vonë se disa vende të tjera anëtare të BE-së, – tha qeveria të dielën.
‘Nga 21 qershori, datë kur mbaron gjendja e jashtëzakonshme, Spanja do të lejojë hyrjen e vizitorëve nga Bashkimi Europian dhe zona Shengen, që përfshin gjithashtu disa vende që nuk janë pjesë e BE-së si Zvicra dhe Norvegjia, – ka publikuar në twitter ministri i jashtëm spanjoll, Arancha Gonzalez Laya.
Vizitorët nga jashtë BE ose zonës së Shengenit, do të jenë në gjendje të vizitojnë Spanjën nga 1 korriku, megjithëse kjo do të varet nga situata e shëndetit publik të vendit të tyre, tha Laya.
Vizitorët britanikë do të jenë në gjendje të udhëtojnë në Spanjë nga 21 qershori pasi Britania ende konsiderohet pjesë e BE, tha një burim i ministrisë së jashtme spanjolle.
Përsa i përket Portugalisë, kryeministri Sanchez tha se duke qënë se Lisbona ka kërkuar që kufiri tokësor i Spanjës me Portugalinë të qëndrojë i mbyllur, ai do të hapet në 1 korrik./ Opinion.al
