Mbyllja e procesit të votimit është shoqëruar me një plagosjen e një polici në Fushë Arrëz. Mësohet se autori i ngjarjes është 32-vjeçari Mikel Lleshaj, banues në fshatin Qafë Mali të Pukës.
“Ngjarja ka ndodhur rreth orës 19:00, gjatë mbylljes së procesit të votimit, në momentin e mbërritjes në QV nr. 0399, është plagosur me mjet preres (thikë), punonjësi i Policisë G. O., i cili po dërgohet për mjekim në spitalin e Pukës. Nga veprimet e para hetimore është bërë identifikimi i autorit të dyshuar, shtetasi M. Ll., 32 vjeç, banues në fshatin Qafë Mali, Pukë dhe po punohet për kapjen e tij”, njofton policia pa dhënë më shumë detaje lidhur me rrethanat e kësja ngjarjeje të rëndë.
“Në vendngjarje, grupi hetimor, nën drejtimin e Prokurorisë së Rrethit Gjyqësor Pukë , po vijon punën për sqarimin e rrethanave të kësaj ngjarjeje”, përfundon njoftimi./Opinion.al
