Drejtuesit e ‘Turgut Ozal’ në një dalje për mediat kanë kundërshtuar vendimin e qeverisë për mbylljen e kopshtit “Zübeyde Hanım”, pjesë e këtij kolegji.
Drejtoresha e kolegjit ka deklaruar se që nga 2004 është kryer mësimi në kushte moderne, ndërsa theksoi se nga raportet e inspektimit është konstatur që kopshti i përmbush të gjitha parametrat e nevojshme. Ajo i ka kërkuar MASH të rishikojë vendimin.
“Qe nga 2004 kemi kryer mesime ne kushte moderne, ne te gjitha ciklet. Kemi ushtruar bashkepunimin tone ne bashkepunim me MASH. Institucionet tona arsimore gjate muajve te fundit kane qene objekt inspektimesh qe s’i përgjigjen planeve te monitorimit. Ne raportet e inspektimit eshte konstatuar qe kopshti permbush te gjitha parametrat e nevojshme. MASH ka refuzuar kërkesën tone per ndryshimin e vendndodhjes, edhe pse ndoqëm procedurat. Kerkojme nga MASH te shikoje vendimin, kemi 2 dekada qe respektojme ligjet. Vendimi prish qetesine e me shume se 200 familjeve. Do te ndjekim deri ne fund betejen ligjore.”, tha drejtoresha didaktike e kolegjit.
Ndërkohë, avokati i Turgut Ozal tha se operojnë që nga viti 2004 dhe se kanë pasur korrespodencë të vazhdueshme me MASH, ndërsa shtoi se MASH s’ka respektuar ligjet.
“Ndodhemi ketu nga 2004, kemi pasur korrespondence te vazhdueshme me MASH. MASH s’ka respektuar ligjet, kjo eshte reflektuar ne kete urdher te padrejte. Ministrja mendon qe per 253 femijet qe largohen nga kopshti, ky proces do kohen e tyre. S’e dime çfare fshihet pas ketij vendimi. Duam plan zbatimi, i jemi bindur urdhrit te MASH. Kohet e fundit kemi pasur kontrolle periodike. Kopshti ne te kaluarën ka qene pjese e fondacionit “Gulistan”, ne vitin 2004”, pohoi avokati.
