Artistë, punonjës dhe pronarëve të bareve, pub-eve dhe diskove të natës kanë protestuar para kryeministrisë.
Ata nuk bien dakord me vendimin e ri të qeverisë për mbylljen e klubeve të natës, diskove, lounge barve dhe çdo lloj shërbimi të kësaj natyre në mjedis të mbyllur apo të hapur, si pasojë e situatës Covid. Akti Normativ ndalon gjithashtu muzikën në të gjithë mjediset e shërbimeve të çfarëdolloji pas orës 20:00.
Sipas protestuesvepo penalizohen shumë punonjës që punojnë në këto subjekte dhe po preken buxhetet e tyre.
Këngëtari i njohur, Devis Xherahu u shpreh se lokalet e natës nuk duhet të mbyllen por te funksionojnë si bankat dhe supermarketet. Këngëtari propozon që ato të funksionojnë me maska ose me rregullore të re të nxjerrë nga Ministria e Shëndetësisë.
”Është e drejta jonë si artistë, që pas urdhrit nga Manastirliu, të reagojmë, se si funksionojnë bankat dhe restorantet, duhet të funksionojnë dhe lokalet e natës, me maska. Të mos mbyllen por të ketë një rregullore të re. Jo të mbyllen. Është protestë paqeje.”- tha Devis Xherahu./Opinion.al
