Aktualitet

Mbyllja e Kapshticës, kamionët me mallra do të kalojnë nga Kakavija


Bëhu pjesë e Grupit Zyrtar të Opinion.al
>> KËTU <<
               Publikuar në : 09:49 - 20/11/20 |
Opi Nion

Pika Kufitare e Kapshticës do të qëndrojë e mbyllur deri më 4 dhjetor për shkak të përkeqësimit situatës së krijuar nga COVID-19 në shtetin grek.

Kjo gjë ka shkaktuar paqartësi tek drejtuesit e kamionëve të cilët shprehen se nuk ishin në dijeni se nuk do të lejoheshin të kalonin, pasi më herët pavarësisht masave janë lejuar të kalojnë në shtetin fqinj.

Ndërkohë. bëhet me dije se kamionët e bllokuar në Kapshticës, do të kalojnë nga Kakavija. Por, kamionistët shprehen se kthimi dhe kalimi nga një tjetër pikë kufitare ka kosto të mëdha.

“Dy orë e gjysmë. Do ngarkoj mallin. Këtë e bëjmë çdo ditë. Nuk kishim informacion që do të mbyllej sot. Do të presim, nëse nuk zgjidhet do të kthehem. Firma do të ketë humbje me patjetër” – tha një prej kamionistëve.

Lidhur me këtë çështje, drejtoria e Doganave shprehet se;  “Numri i lartë i rasteve me covid 19, në shtetin fqinj Greqi ka çuar ne mbylljen nga ana e palës greke te Doganës së Kristalopigi. Nisur nga njoftimi zyrtar i Autoriteteve te Policise Greke ne PKK Kristalopigi, që prej datës 20.11.2020 ora 06:00 deri në datën 04.12.2020 ora 23:59, Pika e Kalimit Kristalopigi do të jetë totalisht e mbyllur për këmbësorët, automjete, autobusët dhe kamionët, si ne hyrje ashtu dhe në dalje të Greqisë. Dogana Shqiptare do të jetë në komunikim të vazhdueshëm për të informuar publikun dhe biznesin”./ Opinion.al

Pas