Bashkia e Durrësit ka vendosur të mbyllë tregun agro-bujqësor të qytetit, ku sipas autoriteteve dyndja e klientëve rrezikonte që ta shndërronte në vatër të koronavirusit.
Sipas Bashkisë, kytë treg është tepër i mbipopulluar dhe do të mbyllet përkohësisht, ndërsa tregtia e produkteve do të shpërndahet tani në tre pika, më të menaxhueshme nga policia bashkiake dhe forcat e tjera të rendit.
Konkretisht ato do të jenë tek Muzeumi i Dëshmorëve, tek stadiumi “Niko Dovana” dhe në rast kërkese, tek parkingu i shkollës së muzikës “Jan Kukuzeli”.
Nga ana e tyre tregtarët u shprehën për “News 24” se nuk kishin marrë asnjë njoftim lidhur me vendimin për mbyllen e tregut. Ata kërkuan të ushtrojnë aktivitetin e tyre ose në të kundërt të qëndrojnë në shtëpi dhe t’i paguajë shteti./Opinion.al
