E denjë për një film serial historia e Tom Doshit, Mark Frrokut dhe atentatorit të supozuar nga Fushë-Kruja Durim Bami është mbyllur. Sot prokuroria ka kërkuar që tre prtagonistët të dënohet me nga 8 muaj burg secili. Ata akuzohen për kallëzim të rremë.
Tom Doshi deklaroi në Mars të vitit 2015 se ishte njoftuar nga kolegu i tij Mark Frroku se një shtetas nga Fushë Kruja i identifikuar si Durim Bami ishte porositur ta vriste me pagesë. Doshi në atë kohë akuzoi se porositësi ishte kryetari asokohe i parlamentit dhe sot president Ilir Meta.
“Nuk ka ekzistuar ndonjë plan për eliminimin fizik të të pandehurit Tom Doshi. Ndërkohë vërtetohet bashkëpunimi mes tre të pandehurve Tom Doshi, Mark Frroku dhe Durim Bami, në krijimin e provave të rreme me qëllim për të ushtruar ndjekje penale ndaj Ilir Metës, si edhe personave të tjerë”, ka thënë prokurori.
Historia ka zgjatur 3 vite dhe gjykatat kanë bërë ping pong duke e kaluar për moskopmetence sa tek njëra shkallë tek tjetra. Sakaq për këtë çështje kanë dëshmuar shumë persona, mes tyre politikanët kryesorë në vend.
