Kryetari i PD Lulzim Basha ka përfunduar mbledhjen me deputetët e zgjedhur më 25 Prill dhe kandidatët jo fitues të listës. Nga informacionet e para duket se PD do të hyjë në parlament, fakt ky i bërë i ditur edhe një natë më parë nga Mark Marku në emisionin “Opinion”.
Sikurse mësohet, Marku ka kërkuar nisjen e një proteste popullore në mbrojtje të votës. “Duhet të lemë procedurat, ka ardhur koha të tregojmë si e mbrojmë ne votën. Duhet të nisim protestat popullore,” ka thënë Marku brenda takimit.
Ndërkohë kryetari Basha ka kërkuar që të vijojë puna për të mbledhur prova që faktojnë manipulime me zgjedhjet. Betejën në shtator do ta vazhdojmë në Parlament,” ka thënë Basha. /Opinion.al
