Mbyllet shkolla “Dora D’istria”? Ja çfarë thotë Bashkia e Tiranës

Prej dy ditësh shumë prindër janë ankuar se po mbyllet shkolla 9 vjeçare “Dora D’istria” në zonën e qendrës në kryeqytet. Në përgjigje të interesit të tyre, Opinion.al kontaktoi me zyrën për mediat në Bashkinë e Tiranës, e cila bëri të ditur se shkolla do ti nënshtrohet rikonstruksionit, madje do të bëhen edhe ambiente shtesë. Bashkia e Tiranës tha se afati i punimeve është 6 muaj. Gjatë kësaj kohe, Drejtoria Arsimore e Tiranës duhet ti shpërndajë nxënësit në shkolla të tjera sa më afër zonës së banimit të tyre. E njëjta gjë po ndodh edhe në shkollën tjetër “Vasil Shanto”, ku rikonstruksioni tashmë ka nisur. Kjo është një situatë e pakëndshme për qindra prindër, pasi fëmijët duhet të bëjnë mësim pasdite, por Bashkia e Tiranës thotë se kjo është e vetmja zgjidhje për të kthyer normalitetin në një afat më të gjatë në shkollat e mbipopulluara të kryeqytetit. /Opinion.al