Ka përfunduar protesta e opozitës para Parlamentit. Në një deklaratë për mediat para selisë blu Berisha tha: “Vijon revolucioni i pamposhtur.
Sot beteja u zhvillua në sallë nga deputetët tanë të cilët denoncuan e dënuan para shqiptarëve shkelmimin e Kushtetutës me urdhër të krim-kryeministrit Rama, ose krim-ministrit Rama.
Tentoi të shkatërronte opozitën dhe ka rekrutuar me korrupsion partnerit tonë të madh kundërzbuluesin në një akt anti-SHBA e anti NATO. Ky akt dhe mbrojtja që po i bën pseudo mazhoranca tregon se kemi të bëjmë me një forcë politike dhe një kryeministër që mbron me çdo çmim e kusht pushtetin e interesat e Putinit dhe Putinit të vogël në Beograd. Protestat do vijojnë deri në largimin e Ramës. Nuk mund të quhet kryeministër ai që paguan kundërzbuluesin e botës ndaj opozitës”.
