Është zhvilluar pasditen e sotme në Tiranë, dita e gjashtë e protestës për vrasjen e 25-vjeçarit Klodian Rasha nga efektivi i forcave “Shqiponja”.
Sipas raportimeve mësohet se ditën e sotme protesta ka qenë paqësore dhe nuk është dëmtuar asgjë nga prona publike.
Thirrjes për t’u mbledhur në orën 18:00 i janë përgjigjur vetëm disa qytetarë, të cilët u bashkuan në sheshin ‘Skëndërbej’ dhe më pas kanë marshuar dhe janë mbledhur para Kryeministrisë. Protestuesit janë shfaqur të qetë dhe se ajo që vihet re, pavarësisht numrit të vogël të tyre, nuk ka patur prezencë të lartë, të miturish si në protestat e tjera.
Në protestë nuk ka pasur as tensione apo plasje të kapsollave, veprime që kanë shoqëruar protesta e 5 ditëve të kaluara. Policia nuk ka përdorur as gazin lotsjellës dhe as autobotat e ujit.
Sot mësohet se kanë qenë prezentë edhe anëtare të lëvizjes ‘Vetëvendosja’ në Tiranë.
Protestuesit kanë thirrur në kor “Rama ik”, “Poshtë diktatura” dhe “Lironi djemtë tanë”. Nga ana e Policisë së Shtetit janë marë të gjitha masat, duke vendosur kordon policor përpara godinës së Kryeministrisë dhe Ministrisë së Brendshme.
Ajo që u vu re ditën e sotme në protestën e zhvilluar ishte se kishte pjesëmarrje jo vetëm nga të rinjë dhe adoleshentë, por edhe nga grupmosha të dyta e të treta. Kujtojmë që policia ka bërë thirrje ditën e sotme se në zbatim të aktit normativ të vendosur për pengimin e përhapjes së COVID-19 nuk do të lejonte asnjë grumbullim. Proteta e sotme ka sjellë shtensionim të situatës nga të dyja palët, edhe nga policia, edhe nga protestuesit./Opinion.al
