Është mbyllur me barazim pjesa e parë e super sfidës Francë-Argjentinë, e cila po luhet në stadiumin “Kazan Arena” në Rusi. Një sfidë emocionuese në të cilën të dyja skuadrat arritën të shënonin nga një gol.
I pari që ka shënuar ishte Antoine Griezmann, i cili realizoi një 11 metërsh në minutën e 11 të sfidës. Kështu Franca ka qenë skuadra e parë që kaloi në avantazh, duke vendosur në rrezik Argjentinën.
Franca ka bërë një lojë mjaft intensive duke rrezikuar disa herë mbrojtjen e Argjentinës.
Por në minutën e 40, fare papritur, Angel Di Maria ka realizuar një super gol nga distanca, duke i dhuruar kështu Argjentinës, barazimin e kërkuar.
Ndeshja është e vlefshme për kualifikimin në çerekfinale, ndërsa skuadra humbëse do duhet të bëjë gati valixhet.
