Aeroporti “Nënë Tereza” ka njoftuar të shtunën mbylljen e të gjitha fluturimeve, me përjashtim të linjës së Stambollit nga kompania Air Albania.
“Nga data 23 Mars 2020, ndërpriten të gjitha fluturimet, përveç kompanisë Air Albania që vazhdon të fluturojë për dhe nga Stambolli.
Në përpjekje për të parandaluar përhapjen e koronavirusit (COVID-19), sipas njoftimit të Autoritetit të Aviacionit Civil duke filluar nga data 23 Mars 2020, ndërpriten të gjitha fluturimet për dhe nga Aeroporti Ndërkombëtar i Tiranës deri në një njoftim të dytë. Vetëm Air Albania do të vazhdojë fluturimin për dhe nga Stambolli”, thuhet në njoftim.
Sipas njoftimit, këta masa janë marr në kuadër të ndalimit të përhapjes së koronavirusit, ndërkohë që aerporti do të mbetet I hapur për ngarkesat e mallrave apo fluturimet e riatdhesimit.
“Aeroporti mbetet i hapur për të gjitha fluturimet humanitare, fluturimet e riatdhesimit, fluturimet e ngarkesës së mallrave dhe çdo fluturim tjetër që i shërben lehtësimit dhe kapërcimit të kësaj sfide të madhe për të gjithë ne”, thuhet në njoftimin e TIA./Opinion.al
