Teksa njoftoi këtë të premte se sportelet e kadastrës do të mbyllen dhe nga tre korriku të gjitha aplikimet dhe përgjigjet do të merren në e-Albania, kryeministri Edi Rama tha se tashmë njerëzit nuk do vërdallisen në kërkim të një vule të njomë.
Më tej kreu i qeverisë tha se vulat e njoma ishin bërë si armët, duke shtuar se njerëzit që kishin trashëguar prona nga familjarë të tyre duhet të vareshin pikërisht nga kjo vulë.
“Vulat e njoma ishin si armët, si armët e atyre që pasi hapën depot e ushtrisë u shpërndanë në të gjithë Shqipërinë. Vulat e njoma dhe njeriu që pronën e ka nga stërgjyshi, duhet të varej nga vula e njomë e një njeri pa din, pa imam e pa atdhe. Unë nuk e di sa turp ju vjen juve, por mua më vjen jashtëzakonisht shumë turp kur mendoj se çfarë kanë hequr njerëzit”,-tha kryeministri Rama./Opinion.al
