Prokuroria e Posaçme kundër Krimit dhe Korrupsionit (SPAK) ka përfunduar hetimet për ish-gjyqtaren e Krujës, Enkeleida Hoxha, dhe 9 të hetuarit e tjerë të dosjes së korrupsionit në burgje dhe ditën e sotme pritet të komunikohen akuzat.
Ndërkohë, për mjekun kardiolog, Edvin Prifti, i cili doli rastësisht nga hetimet do të vijojnë hetimet, pasi ka ende shumë veprime hetimore për të kryer.
Sipas organit të akuzës gjyqtarja Enkeleida Hoxha dhe avokati Aldo Tabaku, në bashkëpunim me njëri-tjetrin kanë qenë pjesë e një skeme kriminale, ku favorizonin dhe lironin të burgosurit.
Dyshohet nga hetimet e kryera se shumat që jepeshin si ryshfet për gjyqtaren shkonin deri në 12 mijë euro. SPAK ka të provuar dy raste të korrupsionit me këtë skemë.
Në dosje janë disa përgjime me audio dhe video që implikojnë të hetuarit, ndonëse ata i kanë mohuar akuzat para trupit gjykues./Opinion.al
