Bota

Mbyllen disa ambasada/Trupat amerikane pranë Kabulit, talebanët 50 km larg


Bëhu pjesë e Grupit Zyrtar të Opinion.al
>> KËTU <<
               Publikuar në : 08:42 - 14/08/21 |
Opi Nion

Trupat amerikane po mbërrijnë në Kabul me qëllim për të ndihmuar personelin diplomatik dhe amerikanët e tjerë të largohen nga vendi, ndërsa talebanët janë akoma të vendosur rreth pesëdhjetë kilometra nga kryeqyteti afgan, ndoshta duke pritur përfundimin e evakuimeve nga ambasadat, sikurse raporton BBC.

Shefi i OKB -së paralajmëroi se situata po del jashtë kontrollit me pasoja shkatërruese për civilët. Deri më tani, më shumë se 250,000 njerëz janë detyruar të lënë shtëpitë e tyre dhe shumë prej tyre janë vendosur në Kabul, në parqe ose në banesa të improvizuara.

Ambasada e Shteteve të Bashkuara sikurse thuhet në raporte të ndryshme të mediave ndërkombëtare, i bëri thirrje stafit të shkatërrojë çdo material të sensitiv, përfshirë broshura dhe flamuj që mund të përdoren për propagandë.

Mbretëria e Bashkuar njoftoi gjithashtu dërgimin e 600 trupave për të ndihmuar në evakuimin e qytetarëve britanikë dhe ish -stafit afgan. Ashtu si Gjermania, ajo do ta mbajë ambasadën hapur me stafin në minimum.

Danimarka dhe Norvegjia, nga ana tjetër, po mbyllin plotësisht përfaqësitë e tyre diplomatike./Opinion.al

Pas