Ka mbyllur punën komisioni parlamentar i Sigurisë dhe gradualisht janë duke u mbyllur edhe komisionit e tjera parlamentare. Kreu i Komisionit, Spartak Braho, shprehu keqqardhjen për mungesën e deputetëve të opozitës, duke u shprehur “më vjen keq që s’kemi kolegët e djathtë. Ky komision ka qenë punë e jo fjalë”.
Ndërsa ka bërë bilancin e punës katërvjeçare të Komisionit të Sigurisë, deputeti i LSI, Spartak Braho e ka një peng…
“Defekt i punës tonë ka qenë mungesa e kontrollit parlamentar. Në 4 vjet nuk e bëmë ligj. Një ligj për të kontrolluar dhe monitoruar SHISH, Prokurorinë e Përgjithshme dhe Ministrinë e Brendshme”, u shpreh ai.
