Taksa vjetore për tetë kategori automjetesh do të mbulohet nga Dretoria e Përgjithshme e Shërbimeve të Transportit Rrugor.
Lajmin e ka bërë të ditur kryeministri Rama nëpërmjet faqes së tij zytare të Facebook. Ai njofton se paketa e re do të hyjë në fuqi brenda muajit maj dhe të gjithë ata që i kanë paguar taksat për këtë vit do të kompensohen në momentin e pagesës së taksës vjetore pasardhëse.
Nga kjo paketë do të përfitojnë 7,204 mjete të kategorisë: autobus (mbi 8+1), transport qytetës, transport rrethqytetës, transport ndërqytetës, shërbime të rastit (turistik brenda e jashtë vendit), ndërkombëtar të rregullt, transport për personele, transport për llogari të subjekteve brenda e jashtë vendit!
Postimi i plotë i kryeministrit Rama
Ministria e Infrastrukturës dhe Energjisë, sjell një shembull të shkëlqyer solidariteti nga DPSHTRR për sektorin e transportit rrugor të pasagjerëve.
Një rast i bukur ku një ent publik me vetëfinancim, nisur dhe nga rezultatet e mira për 2019-ën ofron, nga të ardhurat e veta të akumuluara, të mbulojë 100% taksën vjetore (tvmp), për gjithë vitin 2020, për 7,204 mjete!
Nga kjo paketë solidare e dpshtrr-së në vlerën 170,194,500 lekë përfitojnë 7,204 mjete të kategorisë:
autobus (mbi 8+1), transport qytetës, transport rrethqytetës, transport ndërqytetës, shërbime të rastit (turistik brenda e jashtë vendit), ndërkombëtar të rregullt, transport për personele, transport për llogari të subjekteve brenda e jashtë vendit!
Ky akt mbështet njëkohësisht subjektet e lartpërmendura, buxhetin e shtetit dhe direkt bashkitë!
Institucionet përgjegjëse do të mundësojnë që brenda majit kjo paketë të hyjë në fuqi!
PS: ata që i kanë paguar, do të kompensohen në momentin e pagesës së tvmp pasardhëse! /Opinion.al
