Ndarja nga jeta në mënyrë të parakohshme e kapitenit të Fiorentinë, Davide Astorit ka tronditur shumë lojtarët e Fiorentinëës.
Qendërmbrojtësi Vitor Hugo që ka zëvendësuar vendin e lënë bosh nga Astori në formacionin e Stefano Piolit shprehet se e ndjen shumë mungesën që ka lënë Astori tek skuadra e Fiorentinës.
Ndërkohë qendërmbrojtësi Hugo ka folur për Corriere dello Sport ku ka thënë: “Ne shohim dhe dëgjojmë zërin e Astorit kudo. Në dhomë, në fushë, në dhomën e ngrënies. Ai do të jetë gjithmonë aty”.
“Është e mrekullueshme që të gjithë flasin për të. Rafti i rrobave të tij është ende aty, ashtu si dhe vendi i tij në dhomën e ngrënies. Kur u ulëm para ekraneve për të studiuar kundërshtarët tanë të ardhshëm, karriga ku zakonisht rrinte gjithashtu u la bosh. Davidi është brenda meje”.
“Ai ishte një pikë referimi e rëndësishme për mua. Ndërsa unë jam i majtë dhe i mësuar të lëviz nga qendër drejt krahut të majtë të mbrojtjes, Astori ishte pasqyra ime për të gjithë këta muaj”.
“Që kur arrita në Itali, ai ishte modeli që po përpiqesha të ndiqja”.
Për ndër të Astorit, fusha stërvitore e Fiorentinës do të marrë emrin e ish-mbrojtësit 31 vjeçar.
