Princi Harry ka folur me babain e tij Mbretin Charles për diagnostikimin e tij me kancer dhe do të udhëtojë në Mbretërinë e Bashkuar për ta parë atë në ditët në vijim.
Mbreti ka filluar trajtimin të hënën, thuhet në një deklaratë të Pallatit të Buckingham.
Pallati nuk ka konfirmuar se çfarë lloj kanceri ka monarku 75-vjeçar.
Diagnoza vjen pas trajtimit për një prostatë të zmadhuar, megjithëse pallati thotë se ai nuk ka kancer të prostatës.
Nuk dihet ende nëse do të vijnë edhe bashkëshortja e Harry-t, Meghan, apo dy fëmijët e tyre, Princi Archie dhe Princesha Lilibet.
Çifti ende nuk ka bërë një deklaratë publike.
Marrëdhëniet mes monarkut dhe djalit të tij të vogël kanë qenë të tensionuara prej disa kohësh.
Harry i ka kaluar vitet e fundit në SHBA me familjen e tij, pasi është distancuar nga familja mbretërore.
