Nga Dritan Laci
Ramë prapë në të njëjtën lojë. I biem samarit dhe harrojmë që fajin e ka gomari. Edhe dje i paudhi na futi prapë në qorrsokakun e tij. Doni kokën e Sajmirit, na tha, ja ku e keni, dhe ne të gjithë u morëm me Sajmirin dhe harruam mbretin e “Narcos”.
Në fakt fajin se ka thjesht një emër i përveçëm. Saimiri po tregohet se ishte thjesht një vegël në funksion të qëllimit. U hodh në koshin e mbeturinave si limon pasi e shtrydhën mirë e mirë dhe kuptuan që nuk do u duhej më. Është në tiparin e së majtës një sjellje e tillë. Kështu sillej edhe shoku Enver me bashkëpunëtoret e tij tw ngushte deri sa u hëngri kokën një e nga një të gjithëve.
Kështu edhe Rama që pushtetin e tij e përqëndroi te kanabizimi i vendit dhe vënien në funksion të parave të drogës për të mbajtur pushtetin nëpërmjet zgjedhjeve të blera nga paratë e drogës.
Sot, gjithsecili mund ti shtroj pyetje vetes. A ishin rastësisht në parlament Mark Frroku, Armand Prenga, Arben Ndoka e shumë personazhe të tjerë të dënuar nga drejtësia e huaj për trafikim lëndësh narkotike, prostitucion, vrasje etj?!!! A erdhën rastësisht gjatë qeverisjes Rama, në krye të bashkive emra si Elvis Rroshi, Artur Bushi etj, me precedentë penal? Përse Rama gjeti një listë me kriminelë për t’i futur në parlament dhe nuk gjeti një listë me personalitete? A është rastësi që në 5 vite të qeverisjes Rama kemi njohur të gjithë emrat e mundshëm të kriminelëve të rrugës që në pak vite u kthyen në baronët e kanabisit?
A është rastësi që gjatë qeverisjes Rama zgjedhjet blihen hapur me para në duar dhe aktualisht kemi në parlament personazhe që nuk kanë ardhur aty për merita intelektuale, por se kanë derdhur miliona euro për ta pasur deputetllëkun si koperturë për bizneset e tyre të pista? A është rastësi që drejtorët e policisë janë të përfshirë në ruajtjen e territoreve ku kultivohen kanabis?
A është rastësi që radarët në det janë të fikur? A është rastësi që baronët e drogës si Klement Balili etj “zhduken” pa gjurmë dhe sistemi Tims çuditërisht është gjithmonë i fikur kur ata kalojnë kufirin? A mund te ndodhin të gjitha këto nw Mbretwrinë e “Narcosit” thjesht me bekimin e një kapterri me emrin Saimir.
Mos prisni që diku të dalë emri i Ramës si i përfshirë në atë që duhet të ishin përgjigjet e sinqerta të gjithë këtyre rastësive.
Sajmiri mund të jetë thjesht një kapterr. Nëse doni përgjigje thjesht “pritini” kokën mbretit të Kanabisit, ndryshe kjo histori nuk do të mbarojë kurrë. Dhe mos më keq do bëhemi qesharakë duke u marrë me një këngëtar dasmash si Ylli Baka, që s’ka lidhje fare më këtë punë, por që çunat të shkujdesur i kishin përmendur emrin, duke harruar kësisoj se kush është koka e “Narcosit” shqiptar.
