Një 42-vjeçar shqiptar i cilësuar si “mbreti i floririt” në Londër, pasi akuzohet për 18 vjedhje bizhuterish me vlerë mbi 500 mijë paund, “u tradhëtua” nga i vëllai.
Hajduti famëkeq tha në gjykatë se ishte një shtetas kosovar, i cili erdhi në Britaninë e Madhe si një adoleshent në vitet 1990.
Por vëllai i tij më i madh, Nexhip Kapaj hodhi poshtë pretendimet e tij, duke thënë se ai është në fakt shqiptar. Ai tha për “Daily Mail” se vëllai i tij ishte lindur në një spital në fshatin Gjorm, rreth 20 milje nga qyteti i Vlorës në Shqipërinë jugore, në vitin 1977, dhe nuk ka lidhje me Kosovën.
Vëllai i tij Nexhipi, tha se pretendimi i shtetësisë kosovare ishte mënyra më e lehtë për shqiptarët që të fitonin hyrjen në Britani të Madhe.
Mediat britanike raportojnë se Astrit Kapaj, baba i dy fëmijëve, akuzohet se ka hyrë në disa shtëpi private në rrethina të pasura të Londrës jugperëndimore, mes viteve 2008 dhe 2018.
Fillimisht u tha se Astrit Kapaj ishte përgjegjës për shumë bastisje të tjera, me një vlerë totale prej 10milion paund, gjë që do ta bënte atë një nga hajdutët më prolifik të Evropës. Mbrëmë, ‘viktimat’ e Kapaj në Wimbledon festuan “fundin e mbretërimit të tij”, ndërsa disa thanë se do të bënin një festë më pije. Shumë prej tyre ishin dje në Gjykatë, në jug-perëndim të Londrës për të parë nga afër çështjen.
Kapaj nuk kishte precedentë të mëparshëm kriminalë, ai jetonte në Altrincham, në afërsi të Mançesterit, ku bënte një jetë të qetë me gruan e tij dhe drejtonte një dyqan peshku dhe çaji.
Ai u arrestua në flagrancë më 22 shkurt të këtij viti jashtë një shtëpie, teksa mbante në dorë një elektrik, thikë dhe kishte veshur doreza./Opinion.al
