Mbreti Charles III ka mbërritur në Gjermani këtë të mërkurë, në vizitën e tij të parë shtetërore jashtë vendit si monark.
Charles i shoqëruar nga gruaja e tij Camilla mbërritën në aeroportin Berlin-Brandenburg, ku u pritën nga Presidenti gjerman Frank-Walter dhe gruaja e tij përgjatë një tapeti të kuq me 21 të shtëna si përshëndetje.
Mbreti Charles III, ishte parashikuar të udhëtonte fillimisht në Francë, por e anuloi atë për shkak të protestave të dhunshme sociale mbi ligjin e ri të pensioneve të Macron.
Gjatë vizitës së tij Charles ka thënë se duhet të vazhdojnë të thellojnë marrëdhënien mes dy vendeve.
“Është një gëzim i madh të jemi në gjendje të vazhdojmë thellimin e miqësisë së gjatë midis dy kombeve tona”, tha ai.
Ndërkohë Presidenti Gjermani Frank-Walter Steinmeier do të përshëndet Charles dhe gruan e tij Camilla me nderime ushtarake në pikën më të famshme të Berlinit, Portën e Brandenburgut, një simbol i ndarjes së vendit gjatë Luftës së Ftohtë dhe ribashkimit pasues. Kjo do të ishte mirëpritja e parë ceremoniale e mbajtur atje për një kryetar shteti vizitues.
Të enjten, Charles do t’i drejtohet Bundestagut, dhomës së ulët të parlamentit të Gjermanisë. Më pas ai do të takojë disa refugjatë ukrainas që kanë kërkuar strehim në Gjermani nga pushtimi rus në shtëpi./Opinion.al
