Kryeministri i Mbretërisë së Bashkuar, Boris Xhonson beson se Irani është përgjegjës për sulmin ndaj rafinerive të naftës në Arabinë Saudite, duke rritur kështu mundësinë që ushtria britanike të përfshihet në dërgimin e trupave ushtarake për ruajtjen e rajonit.
Duke folur para gazetarëve në aeroplanin e tij gjatë rrugës për në Asamblenë e Përgjithshme të OKB-së në Nju Jork, kryeministri tha se ekziston “një shkallë shumë e lartë e probabilitetit” që Irani të jetë pas sulmit të telekomanduar me raketa ndaj dy rafinerive kryesore të naftës më 14 shtator .
Duke theksuar dëshirën e tij për të shmangur çdo përshkallëzim në krizën, Xhonson tha se ai e sheh rolin e Mbretërisë së Bashkuar “si një urë midis miqve tanë evropianë dhe amerikanëve” për këtë çështje.
SHBA dhe Arabia Saudite më parë kanë thënë se besojnë se sulmi u krye nga Irani, dhe jo nga rebelët Huthi që luftonin forcat Saudite në Jemen, të cilat Irani thotë se ishin fajtorë.
Johnson do të zhvillojë bisedime të përbashkëta me presidentin francez, Emanuel Makron dhe kancelaren gjermane, Angela Merkel, në Nju Jork, në kuadrin e të ashtuquajturit grupi E3, i cili formulon politikën mbi Iranin midis kombeve. As Franca dhe Gjermania deri më tani nuk janë shprehur se kush se ishte përgjegjës për sulmet. /Opinion.al
