Të gjithë e mbajmë mend skandalin financiar që përfshiu emra të njohur të politikës në të gjithë botën, ku miliona dollarë ishin tranferuar në fshehtësi drejt Panamasë. Jo vetëm politikanët u përfshinë në këtë skandal, por edhe emra nga sporti dhe arti ku shumë prej tyre kaluan edhe nën hetim.
Teksa çështja ishte harruar, pikërisht në këto ditë një emër i ri ka dalë në pah. Bëhet fjalë për mbretëreshën Elizabeth, e cila dyshohet të ketë investuar plotë 10 milionë paund në ishujt Cayman.
Muaj më parë, dhjetra politikanë nga Europa u përfshinë në skandalin më të madh financiar në kontinent, ku miliona dollarë nga vendet e origjinës ishin transferuar në Panama. Përveç kësaj, në këto dokumente thuhet se monarku ka investuar edhe në biznese të vegjël, përfshirë këtu edhe Threshers dhe BrightHouse, kompani këto që janë akuzuar për shitje të produkteve të dëmshme për personat me aftësi të kufizuar.
