“Unë preferoj recetat e provuara dhe të testuara: duke folur mirë për të tjerët, duke respektuar pikëpamje të ndryshme, duke ardhur për të përmbushur themelet e përbashkëta, duke mos humbur kurrë pamjen e një tabloje më të përgjithshme”, tha Mbretëresha Elizabeth II për sa i takon Brexit gjatë fjalimit në prani të anëtarëve të ‘’Women’s Institute’’.
Për gazetën britanike “Times” nuk ka asnjë dyshim se disa ditë pas votimit të ri për komunat në “Planin B” nga Theresa Maj, mbretëresha dëshironte të kërkonte “fundin e debatit mbi Brexit-in”.
Megjithëse është në përputhje me neutralitetin e rreptë politik të monarkisë, fjalët e saj thuhen në kulmin e konfliktit të vazhdueshëm në Parlament mbi perspektivat e divorcit të Britanisë nga BE dhe sipas “Times” nënkuptojnë se ajo deshiron fundin e debatit.
Brexit është shndërruar në një çështje që po krijon përçarje në Britaninë e Madhe. Javën e kaluar, Parlamenti britanik nuk arriti që të miratonte marrëveshjen e aritur mes Qeverisë së Britanisë dhe Bashkimit Europian. Refuzimi i marrëveshjes bëri që Parlamenti të mbante një mocion mosbesimi ndaj Kryeministres Theresa May, të cilës i rezistoi me sukses.
Sipas marrëveshjes, Britania e Madhe do të shkëputet nga BE më 29 Mars. Dalja nga unioni pa miratimin e marrëveshjes pritet të shkaktojë një sërë problemesh për Britaninë./E.M
