Kryetari i Partisë Demokratike, Sali Berisha, ka dalë në një konferencë për media, një ditë pas protestës së opozitës.
Në nisje të fjalës së tij, ai deklaroi se mbrëmë u dha leksioni më i mirë se çfarë është opozita.
“Mbrëmë, protestuesit ishin zëri i njerëzve të heshtur, i njeriut të civilizuar që ngrihet kundër padrejtësive. Falenderoj të gjithë ata djem e vajza që mbrëmë iu përgjigjën vjedhje së shekullit të inceneratorëve me mosbindje civile.
Ju mbrëmë treguat se nuk ka më paqe me vjedhjen, me krimin e organizuar dhe dëshmuat se pa votën e lirë nuk ka paqe në Shqipëri. Jud je rizgjuat krenarinë shqiptare”, shtoi Berisha.
Ai i ka bërë thirrje kryeministrit Edi Rama që të pranojë kërkesën e opozitës për qeveri teknike.
“Për Ramën kam një thirrje, me kaq ti ke humbur Parlamentin, reago sa je në kohë, nuk kërkojmë pushtet në tavolinë as të marrim pushtetin me forcë, por kërkim qeveri teknike.
Në zgjedhje të lira të shohim se kë votojnë shqiptarët. Pse ke frikë?
Javët që vijnë mosbindja civile do të çmontojnë narkoshtetin tënd, kemi ngujime përpara, kemi greva, bllokime rrugës, do të ndikojnë, paralizojnë dhe shkërmoqin narkodiktaturën.
Nëse mendon se do të kufizohet në Tiranë, mendohu Edi Rama, do ti kesh në mbarë Shqipërisë. Nuk ke lënë pa masakruar”, u shpreh Berisha.
