Kreu i Policisë së Shtetit, Haki 1∟ako ka qenë i pranishëm në mbledhjen e Task Forcë e cila po mbahet në zyrën Operacionale në Kryeministri. Në fokus të kësaj mbledhjeje ka qenë lufta kundër kanabisit. Në fjalën e tij Çako shprehu vendosmërinë për ti shpallur luftë të gjitha paligjshmërive.
Sipas Çakos policia ka intensifikuar punën për të tilla raste, duke zbuluar parcela me kanabis në të gjithë territorin.
“Policia e Shtetit është e angazhuar me qëllim arritjen e objektivave për kapjen e kanabisit. Pavarësisht fluksit për sezonin turistik, forcat policore kanë punuar shumë për kapjen e kanabisit. Duke marrë parasysh muajin gusht, si momentin favorizues për kultivimin e kanabisit, puna jonë ka qenë e madhe për kontrolle në territor. Ka vazhduar bashkëpunimi me prokurorinë, SHISH, duke bërë të mundur edhe identifikimin e kultivuesve, apo dhe procedimin e punonjësve të policisë apo dhe administratës. Një vëmendje e veçantë i është kushtuar dhe bashkëpunimeve me vendet e rajonit, ku janë zhvilluar operacione të përbashkëta, dhe arrestim të autorëve, pasi tregu i shitjes është jashtë vendit tonë. Ka një goditje të madhe të grupeve kriminale. Është intensifikuar puna për identifikimin dhe sekuest4rimin e aseteve që vinë nga trafiku i drogës. Policia gjatë kësaj kohe ka qenë e angazhuar për detyra të reja, siç është plani i masave për goditjen e grupeve kriminale, kontroll të mjeteve luksoze, apo kontrolle për grupe kriminale. Policia ka gati këtë plan për të goditur subjekte të tilla si bllokim të mjeteve luksoze të presonave me precedent kriminal, apo që nuk justifikojnë të ardhurat e tyre. Kontroll personave që prishin rendin dhe sigurinë në vend”, u shpreh Çako.
