Kryesia e Partisë Socialiste është mbledhur pasditen e sotme për të diskutuar emrat që do të zëvendësojnë Saimir Tahirin në funksionet që ka mbajtur në parti.
Në mbledhjen e kaluar të grupit parlamentar, kreu i partisë Edi Rama, njoftoi largimin e deputetit Saimir Tahiri nga grupi, deri në zbardhjen e së vërtetës. Më tej atij iu hoqën e edhe funksionet e tjera në PS.
Saimir Tahiri ishte kreu i Partisë Socialiste për Tiranën, dhe Koordinator Kombëtar për Bashkëqeverisjen.
Ndaj deputetit Tahiri, Prokuroria e Krimeve të Rënda ka nisur hetimet për implikimit të emrit të tij në dosjen e përgjimit të bandës së Habilajve.
