Aktualitet

Mblidhet Komiteti i Emergjencave Civile: Hidrovoret në gjendje gatishmërie


Bëhu pjesë e Grupit Zyrtar të Opinion.al
>> KËTU <<
               Publikuar në : 19:51 - 08/01/21 |
Doriana Çepunaj

Komiteti Ndërministror i Emergjencave Civile ka dalë në deklaratë për mediat lidhur me situatën e krijuar nga përmbytjet në të gjithë vendin.

Zv/kryeministri Erjon Braçe ka deklaruar se janë ngritur menjëherë Shtabet e Emergjencave në zonat e prekura, ndërsa hidrovorët kanë punuar në kapacitet të plotë nga Veriu në Jug.

“IGJEUM ka njoftuar për situatën e vështirë në 6 janar. Ministria e Bujqësisë  ka kontrolluar situatën dhe hidrovorët nga Veriu në Jug kanë punuar me kapacitet të plotë. Drejtoria e Përgjithshme e Rrugëve është në gatishmëri maksimale. Të gjitha akset janë të hapura. OSHEE duhet përgëzuar për menaxhimin e situatës. Kemi një situatë të kontrolluar në gjithë kaskadën e Drinit. Komiteti që menaxhon Kaskadën e Drinit është mbledhur vazhdimisht dhe situata në Kaskadën e Drinit është e kontrolluar“, tha Braçe.

Më tej, Braçe ka theksuar se kryetarët e bashkive kanë mbledhur Shtabin e Emergjencave dhe po kontrollohet situata në të gjithë territorrin.

“Kryetarët e Bashkisë kanë mbledhur Shtabin e Emergjencave çdo ditë dhe po kontrollohet situata në territoret e rrezikuara. Dita e sotme ka qenë më e vështirë. Nuk ka asnjë rajon që të mos ketë patur mbi 100 mlm shi. Agjencia e Emergjencave ka qenë në territor. Nuk kemi qenë në terren për fushatë elektorale por punë. Akoma më shumë njerëz po shtohen për të menaxhuar situatën. Për këtë arsye nuk kemi asnjë njeri të rrezikuar. Komunikimi do të vazhdojë deri në datën 13”, tha Braçe./ Opinion.al

Pas