Pas situatës së tensionuar që është krijuar ditën e sotme nga deputetët e opozitëës, Kuvendi njoftoi se mbledhja e Komisionit të Ekonomisë do të zhvillohet online.
Grupi parlamentar i PD-së ka reaguar menjëherë pas këtij lajmi, i cili ka deklaruar se këto mbledhje mund të bëhen online vetëm në raste të masave të jashtëzakonshme që mund të vendosen për shkak të gjendjes së luftës, gjendjes së jashtëzakonshme ose gjendjes së fatkeqësive natyrore.
Ato ngrejnë pyetjen nëse PS ka shpallur gjendjen e luftës apo të jashtëzakonshme, pasi kjo procedurë e mbledhjeve online lejohet vetëm në ato raste.
“Pas bllokimit që deputetët e opozitës I kanë bërë punimeve të Kuvendit sot, deputetët e PS kanë njoftuar shtyrjen e mbledhjes dhe zhvillimin e saj online. Sipas nenit a/5 të Rregullores së Kuvendit vetëm në raste të masave të jashtëzakonshme që mund të vendosen për shkak të gjendjes së luftës, gjendjes së jashtëzakonshme ose gjendjes së fatkeqësive natyrore, mbledhjet e seancës plenare dhe organeve të Kuvendit mund të zhvillohen edhe në distancë nëpërmjet mjeteve të komunikimit elektronik. Nuk dihet nëse PS ka shpallur gjendjen e luftës apo të jashtëzakonshme, por kjo procedurë e mbledhjeve online lejohet vetëm në ato raste”, shkruan grupi parlamentar i PD-së./Opinion.al
