Ditën e sotme është mbledhur Këshilli Kombëtar i PD, i cili ka diskutuar për situatën politike pas vendimit të presidentit Ilir Meta, për anulimin e 30 qershorit për zhvillimin e zgjedhjeve lokale.
Mësohet se kreu i opozitës Lulzim Basha është shprehur se qëllimi kryesor i opozitës është largimi i kryeministrit Edi Rama, pasi sipas tij, kjo është mënyra e vetme që në Shqipëri do të mund të ketë zgjedhje të lira dhe të ndershme.
Kryedemokrati ka thënë gjatë mbledhjes se zgjedhjet pa opozitën dhe pa dekretin e presidentit nuk do të zhvillohen.
Kreu i selisë blu i’u ka bërë thirrje anëtarëvë të forumit më të lartë politik vendimarrës të Partisë Demokratike që të angazhohen maksimalisht për aksioni opozitar.
“Ne ia dolëm që të ndalojmë procesin fals dhe kriminal të 30 qershorit. Tashmë është e qartë që nuk do ketë zgjedhje lokale pa opozitën..-u shpreh kreu i opozitës, duke vënë në dukje se gjithçka ka ndodhur deri tani për frenimin e një procesi kriminal njëpartiak është meritë e drejtëpërdrejtë e qëndresës së shqiptarëve të bashkuar, përtej bindjeve politike. Zgjedhjet pa dekret presidenti nuk janë zgjedhje dhe se zgjedhjet pa opozitën nuk janë zgjedhje. Ne duhet të jemi gati të bëjmë detyrën tonë për të mbrojtur demokracinë dhe rendin kushtetues dhe pët të mos pranuar asnjë proces votimi fallco, në shkelje dhe dhunim të Kushtetutës.”- u shpreh Basha./ Opinon.al
