Nga Desada Metaj
Sa herë shfaqet në ekran,drejtoresha e përgjithshme e tatimeve ngjall reagim të madh në publik. Herën e parë për bukurinë dhe fjalorin e kursyer qëpërdori,herën e dytë për zellin e madh për të folur për idealizimin e saj për Shqipërinë dhe herën e fundit për buzkuqin e saj që ja kishte përmiresuar ndjeshëm pamjen dhe bukurinë që të jem e sinqertë nuk i ka munguar asnjeherë. Por më shumë se vetë drejtoresha,më duken të shqetësuara intervistueset e porositura të saj dhe disa të tjera që shohin tek Brisida,femrën e zonjë,drejtoreshën e aftë që keqkuptohet dhe anatemohet për bukurinë dhe seksizëm. Kaq xhelozi të ketë në gazetarinë shqiptare sa të errësohet gjykimi dhe vlerat e saj ti shohin vetem 2 apo 3 gra të gazetarisë që kanë fatin ta kenë Brisidën dhe shoqe tavolinash? Kaq mirë dhe rezultative është puna e tatimorëve sa të gjithëve u errësohet shikimi dhe përqëndrohen vetëm tek këmbët dhe buzët e drejtoreshës? Kaq të poshtër qënkan shqiptarët e rrjeteve sociale sa nuk arrijnë dot të shohin dhe prekin suksesin në mbledhjen e të ardhurave? Ndoshta po. Ndoshta zonjat gazetaro-avokate jetojnë në realitetin e Shqipërisë që mbledh tatime,në Shqipërine ku pritet kupon tatimor në cdo dyqan dhe lokal,në Shqipërinë ku cdo biznes i madh paguan dhe është i rregullt me ligjin. Në Shqipërine ku nuk i merret malli shitësit të misrit në rrugë se nuk ka kasë,në Shqipërinë ku tatimorët,nuk janë ata komshinjtë që kanë blerë apartamentin luksoz në pallatin tuaj. Dhe që të mos rendis edhe më shume fakte (qe mund te lexohen qartë në cdo raport ndërkombëtar për cështjen e mbledhjes së të ardhurave) , dua t’ju kujtoj gazetaro- avokateve që në një Shqipëri sa më sipër edhe unë do e doja Brisidën me buzë edhe të palyera. Dhe do isha pjesë e cdo nisme kundër seksizmit ndaj drejtuesve gra nëadministratë. Por për këtë gazetaro avokatet duhet të më bindin se Brisida e ka merituar këtë pozicion,se ajo është trajnuar dhe shkolluar për një post të tillë ,se ajo nuk është vetëm e përkëdhelura e kryeministrit dhe e bindura e tij e zellshme. Vetëm atëhere mundem që të fokusohem në dicka tjetër,vec hireve të drejtoreshës. Vetëm kur Brisida të arrijë të artikulojë me shume 5 fjali bashkë bindëse për publikun mund të mendoj seriozisht për të. Vetëm kur të më shpjegojë me sinqeritet qëllimin e aksionit kundër informalitetit,privilegjet që po i bëhen bizneseve të afërta me qeverinë,korrupsionin e pazgjidhur në tatime….vetëm atëhere mund të fokusohem tek fjalët që nxjerr nga goja drejtoresha e përgjithshme e tatimeve. Dhe deri atëhere,gjëja më me vlerë që mund të bëj është të fokusohem (si gjithë të tjerët) tek hiret e saj. Që për hir të së vërtetës eklipsojnë dhe pyetjet mediokre që i bëhen në intervistat e porositura.
