Në mbledhjen e Task Forcës për kanabisin, ka marrë fjalën e tij edhe kryeministri i vendit Edi Rama. Pasi u njoh me rezultatin e operacioneve anti kanabis, Rama ka dhënë vlerësimin e tij për punën e policisë.
Kryeministri ka vlerësuar punën e kryer nga policia gjatë kësaj periudhe duke e falenderuar efektivët për punën e kryer. Ndër të tjera ai shtoi se kjo punë do të vazhdojë të ketë një shtrirje më agresive, e cila do të luftojë kundër vjedhjeve, kultivimit dhe trafikimit të kanabisit. Sipas Ramës, objektivi i parë i planit kombëtar është arritur me sukses, edhe pse shtoi se ka ende shumë punë për të bërë.
“Kjo arritje duhet parë si një hap, jo si e gjithë rruga. Objektivi jonë është të heqim Shqipërinë nga harta e vendeve që kultivojnë kanabis, pasi kjo është një histori që njollos vendin dhe shoqerinë” – tha Rama.
