Në mbledhjen e përbashkët të dy qeverive Shqipëri-Maqedoni në Pogradec, në fokus është forcimi i marrëdhënieve mes dy vendeve, si dhe zhvillimi i qytetarëve përmes bashkëpunimit në infrastrukturë dhe në fushën e sigurisë.
Kryeministri maqedonas bëri me dije se shqiptarët në Maqedoni janë një urë e vërtetë bashkëpunimi.
Zaev tha se si Shqipëria dhe Maqedonia, presim në 2018 të nisim negociatat për në BE.
Zoran Zaev: Maqedonia dhe Shqipëria ndajnë vizionin për një rajon me prosperitet të integruar në NATO. Mbështetja e Shqipërisë në këtë drejtim për Maqedoninë ka mirënjohje. Falenderoj qeverinë shqiptare për mbështetjen e Shqipërisë në NATO. Ftoj qeverinë që vitin tjetër të mbajmë mbledhjen e dytë të përbashkët në Ohër ose në Strugë
Kryeministri shqiptar Edi Rama e vlerësoi “një moment kyç për historinë e përbashkët”.
Edi Rama: Jemi këtu për të ngritur marrëdhëniet në një stad të ri cilësor. Kjo kërkon një orientim të përbashkët strategjik. Si dy vende fqinje kemi detyrim të ofrojmë më shumë zhvillim dhe të punojmë për më shumë mirëqënie për qytetarët tanë duke përmirësuar standardet ndërlidhëse me njëri tjetrin.
