Ka nisur me debate mbledhja e Këshillit të Mandateve. Debati është zhvilluar mes kryeparlamentares Lindita Nikolla dhe deputetit të PD, Gazment Bardhi.
Mësohet se kryetarja e Kuvendit njofton që çështja do shqyrtohet në një tjetër seancë javën e ardhshme, por opozita nuk e ka pranuar këtë vendim të Nikollës.
Ka qenë Bardhi, ai që e ka kundërshtuar këtë vendim, duke i kërkuar Nikollës që të mos i japin më shumë kohë Ahmetajt që të fshihet.
“Po bashkëpunoni në krim, mos i jeni me shume kohe Arben Ahmetajt që të fshihet. Boll e zvarritët çështjen. Të përfshihet në Rend Dite të seancës plenare të ditës së nesërme dhe të japim autorizimin prokurorisë që të veprojë. Mos pengoni drejtësinë. Opozita e ka gati raportin; të veprojmë pa asnjë vonesë, të shqyrtojmë e miratojmë nesër”, mësohet se ka thënë Bardhi.
