Ka përfunduar mbledhja e Këshillit Politik për Reformën Zgjedhore i cili filloi sot në orën 10:00.
Mësohet se përfaqësuesit e opozitës në mbledhjen e Këshillit Politik, Oerd Bykykbashi i Partisë Demokratike dhe Petrit Vasili i Lëvizjes Socialiste për Integrim kërkuan mbylljen sa më shpejtë të reformës zgjedhore, duke e rinisur atë me propozimet e opozitës të lëna pa përgjigje nga qeveria.
Tre kërkesat e opozitës:
- Reforma të mos vonohet më tej, por të mbarojë deri në 31 maj.
- Në këtë funksion, takimet mes palëve duhet të rikthehen në formatin e tryezës ballë për ballë, jo përmes komunikimit online.
- Puna e Këshillit Politik të rinisë me çështjet e propozuara nga opozita, në mënyrë që pala tjetër të mbajë një qendrim për të gjitha propozimet e lëna pa përgjigje deri tani./ Opinion.al
Në këtë mbledhje ishin të pranishëm, Damian Gjiknuri përfaqësuesi i mazhorancës dhe Rudina Hajdari përfaqësuese opozitës parlamentare./Opinion.al
