Ka përfunduar pa rezultat edhe mbledhja e sotme e Këshillit Politik sa i përket ndryshimeve të Kodit Zgjedhor.
Përfaqësuesi i mazhorancës, Damian Gjiknuri tha se opozita kërkon të bllokojë procesin dhe po tenton të pengojë zbatimin e ndryshimeve kushtetuese të 30 korrikut.
Ai shtoi se i kishte propozuar opozitës të sillnin një formulim të një vendi evropian që i trajton koalicionet siç i do Partia Demokratike.
“Pas një mbledhje të gjatë me debate bëmë një propozim si PS edhe ju thamë nisur nga ndryshimet kushtetuese që nuk ruajnë më atë tip koalicioni na sillni një variant sipas një vendi evropian me proporcional me lista të hapura dhe t’ja çojmë ODIHR. Duan që të mos zbatohen ndryshimet kushtetuese. Ajo që synohet është një taktikë imponuese ose prano atë që dua unë ose asnjë lloj pëlqimi. Të na sjellin një formulim të një vendi europian që i trajton koalicionet siç i do partia Demokratike. Epo të imponosh konsensus me modele jo evropiane kjo është hipokrizi. Hajde diskutojmë pragun dhe hapjen e listave duke ruajtur disa parime. Që të shkojë të ODIHR duhet të shkojmë me një produkt. Sill një përkufizim të koalicionit sipas një modelit evropian.”, tha Gjiknuri. /Opinion.al
