Pas mbledhjes së grupit parlamentar, Lulzim Basha i është përgjigjur fraksioneve brenda Partisë Demokratike. Në një koment shumë të shkurtër, Basha tha se forca politike që ai drejton është e hapur për kontributin e gjithkujt.
Basha: PD ka qenë dhe është e hapur dhe do të jetë edhe më e hapur, unë do të bëj gjithcka që don të kontribuojë të gjejë veten e tij apo të saj në çdo formë përfaqësimi nga forumet e larta tek aktiviteti i anëtarëve të PD.
Një ditë pasi kërkoi ngritjen e kosmionit Ad Hock, Basha tha se PD do të nisë konsultimin me shoqërinë civile, aleatët por edhe me partitë e tjera opozitare për reformën zgjedhore. Sipas tij, reforma është e emergjencë, për t’i dhënë fund shitblerjes së votës dhe pushtetit që kontrollohet nga krimi.
Basha: Po nuk u rregullua çështja e zgjedhjeve në Shqipëri do vazhdojmë të kemi qeveri që vijnë në pushtet me paratë e krimit dhe të drogës dhe i bëjnë amin kriminelëve, bandave ndërkohë që godasin qytetarët. Pse? Sepse nuk e kanë të lidhur fatin e tyre me qytetarët.
Basha, iu përgjigj kryeministrit Edi Rama, i cili deklaroi se reforma duhet të behet sipas marrëveshjes së 18 majit. Siaps tij kryeministri gënjen kur thotë se e don reformën zgjedhore.
Basha: Të mendosh që Edi Rama do reformë zgjedhore dhe do të luftojë shit-blerjen e votës dhe do votimin elektronik kjo është një gënjeshtër e pastër. Sepse fal shit-blerjes së votës dhe manipulimit Edi Rama është sot kryeministër. Votimi elektronik është përparësi absolute. Vetëm përmes votimit elektronik ne do të mundësojmë dhe objektivin tonë të shpallur prej vitesh votimin e emigrantëve shqiptarë, që është përparësi obsolute e PD.
Basha komentoi dhe situatën në Shkozë, duke thksuar se është tregues i një qeverie të dalë me vota të blera nga paratë e krimit, e cila sipas tij ndëshkon të pamundurit dhe mbron bandat.
