Teksa po hynte në selinë e Partisë Demokratike, ku po zhvillohet mbledhja e grupit Parlamentar, e thirrur nga Enkelejd Alibeaj për të vendosur nëse do të propozojnë një emër për President në raundin e tretë, kreu i PD, Sali Berisha dha një deklaratë për mediat.
Berisha ka qenë i ashpër më Alibeajn për të cilin tha se nuk ka autoritet dhe tagër nga Partia Demokratike. Ai e cilësoi çdo veprim të Alibeaj për zgjedhjen e presidentit të ri si farsë.
“Përveç autortitetit që i jep Edi Rama, Alibeaj nuk autoritet dhe tagër nga Partia Demokratike. Çdo veprim i tij sintonizim i një farse të shpifur të zgjedhjes së Presidentit nga Edi Rama me kallp opozitën.
Dua të dënoj me ashpërsinë më të madhe pikpamjen e Edi Ramaës së konsiderimit të diasporës si një zonë e veçantë elektorale. E paralajmëroj të mos luaj me të drejtën e shqiptarëve. Ata kanë të drejtën të ushtrojnë të drejtën e tyrë për të votuar dhe sot teknologjia online e bën këtë 100 përqind të mundshme”-tha Berisha.
