Ka shkuar mbi 80 numri i personave që kanë kërkuar ndihmë mjekësore në spitalin e Bulqizës.
Të rritur dhe fëmijë dyshohet se janë helmuar, pasi ata kanë shfaqur dhimbje barku, të vjella dhe dhimbje koke.
Mjekët, referuar simptomave dyshojnë se shkak i helmimit mund të jetë uji i pijshëm.
Megjithatë, drejtori i Ujësjellësit, Nedion Muça nuk e ka pranuar se shkak i këtij helmimi masiv është uji i pijshëm.
Ai tha se duhen pritur rezultatet e analizave pas 48 orësh. Të gjithë të helmuarit janë nga qyteti i Bulqizës./ Opinion.al
