Edhe sot Kosova ka regjistruar një numër të lartë të infektuarish me Covid-19. Ministria e Shëndetësisë në Kosovë ka informuar se në 24 orët e fundit janë kryer 15 268 testime, nga të cilat kanë rezultuar pozitivë me Covid-19, 3 917 qyetarë.
Nga kjo shifër i bie se 25.65 % e të testuarve kanë rezultuar pozitivë me sëmundjen Covid-19.
Ndër të tjera ministria e Shëndetësisë informon se në 24 orët e fundit e kanë humbur betejën me Covid-19 6 qytetarë, ndërsa janë shëruar 617 pacientë.
Në Kosovë, aktualisht janë aktivë me koronavirus 28 751 persona.
Deri më tani, janë vaksinuar plotësisht me dy doza vaksinë anti-Covid 803,638 persona./Opinion.al
