Një model i njohur për pandeminë e koronavirusit, i cituar më parë nga Shtëpia e Bardhë, parashikon që më shumë se 317,000 persona do të vdesin në SHBA nga Covid-19 deri në dhjetor.
Modeli nga Instituti për Metrika dhe Vlerësim Shëndetësor në Universitetin e Uashingtonit parashikoi që 317,312 njerëz mund të vdesin nga Covid-19, duke shënuar një rritje prej rreth 8,000 nga një vlerësim i mëparshëm i modelit të projektuar një javë më parë.
Që nga janari, autoritetet shëndetësore amerikane kanë identifikuar më shumë se 5 milion raste në të gjithë vendin dhe më shumë se 180,000 njerëz kanë vdekur, sipas të dhënave të fundit të përpiluara nga Universiteti Johns Hopkins.
Vlerësimi i ri i IHME sugjeron që Shtetet e Bashkuara mund të shohin më shumë se 136,000 vdekje shtesë nga tani deri në Dhjetor dhe shkalla e vdekjeve ditore mund të rritet në më shumë se 2,000 në ditë.
Megjithatë studiuesit e IHME vunë në dukje në faqen e tyre të internetit të enjten, kur ata azhurnuan modelin e tyre, se “nëse veshja e maskave në publik rritet në 95%, më shumë se 67,000 jetë mund të shpëtohen”.
Një parashikim tjetër nga Qendrat Amerikane për Kontrollin dhe Parandalimin e Sëmundjeve e vë numrin e vdekjeve të SHBA në 200,000 deri në 19 Shtator. /Opinion.al
