Infeksionet respiratore vijojnë të jenë në nivele të larta edhe në ditët e para të Shkurtit dhe shumica të infektuar janë fëmijë.
“Kanë qenë minimum tek 30 vizita në ditë. Rastet nuk kanë qenë raste të lehta për tu administruar. Problematik kanë qenë infeksionet e rrugëve respiratore kryesisht të rrugëve të poshtme respiratore ku nuk kanë munguar edhe rastet kur pacientët kanë qenë me vështirësi në frymëmarrje.”
Më të prekur janë fëmijët nën 7 vjeç.
“Problemin më të madh e kanë fëmijët nga 1-7 vjeç sepse në moshën 7-vjeçare bëhet maturimi i pemës bronkiale dhe sistemi imunitar bën formatimin e plotë dhe pjeket sistemi imunitar dhe nga 7 vjeç e lartë janë fëmijë që e frekuentojnë gjithnjë e më rrallë ambientet e insititucioneve shëndetësore, por në këtë peridhë kemi pasur nga të gjitha grupmoshat nga fëmijët e kopshteve, çerdheve, shkollave 9-vjeçare dhe gjimnazeve.”
Pediatri u bën apel prindërve t’i sjellin menjeherë tek mjeku nëse kanë temperaturë të lartë.
“Është një trend që ta mbaj 3, 4 ditë apo 5 ditë, por problemi është se ato e mbajnë 3-4 ditë në banesë, por në momentin që fillon klinika të paktën 3 ditë kanë kaluar. Periudha e inkubacionit e një virusi të zakonshëm shkon nga 24-72 ore. Mund ta mbash në banesë, mund të fillojë që në ditën e parë, por nëse temperatura shkon në 39 e lartë është një temperaturë që nuk mund ta kontrollosh në banesë dhe duhet ta çosh në një institucion shëndetësor . Nuk mund ta mbash fëmijën në banesë me 39 sepse mund të japë një konvulsion febril, mund të lejë pasoja që fëmija do t’i vuaj gjithë jetën.”
Gjatë javës së fundit Instituti i Shëndetiti Publik raporton mbi 16 mijë raste me infeksione respiratore, dhe shumica e tyre kanë problem me rrugët e sipërme të frymëmarrjes. Sipas eksperteve me fillimin e muajit Shkurt po reflektohet një tendencë e lehtë e rënies së numrit të infeksioneve.
Klan News
