Spanja ka shënuar një përmirësim të lehtë të situatës së koronavirusit, krahasuar me një ditë më parë.
Kështu, 683 persona humbën jetën në 24 orët e fundit, ndërsa në total bilanci i viktimave është mbi 15 mijë.
Sipas të dhënave që vijnë nga Ministria e Shëndetësisë spanjolle, ngadalësim shënoi dhe përhapja e Covid-19.
Që prej shpërthimit të pandemisë, në këtë shtet europian janë prekur më shumë se 150 mijë vetë, ndërsa 52 mijë janë shëruar.
Nga ana tjetër, krahas shtyrjes së masave, kryeministri, Pedro Sanchez lëshoi dhe një apel ndaj Bashkimit Europian për të arritur një dakordësi për një kundërpërgjigje të përbashkët për krizën e shkaktuar nga koronavirusi.
“BE është në rrezik, nëse nuk do të ketë solidaritet”, u shpreh kryeministri spanjoll ndërsa kërkoi nga opozita dhe koalicioni i tij qeverisës që të diskutojnë një plan për rimëkëmbjen e ekonomisë së vendit./Opinion.al
