Ministria palestineze e shëndetësisë thotë se 1200 njerëz kanë vdekur që kur Izraeli filloi sulmet ajrore në zonë, si hakmarrje ndaj një sulmi shkatërrues nga militantët e Hamasit të shtunën.
Konfirmimi është bërë nga Ministria e Shëndetësisë palestineze, sipas të cilës 600,000 njerëz nuk kanë qasje në ujë dhe se disa spitale po mbështeten në ujin nga puset.
Të paktën 51 persona humbën jetën dhe 281 të tjerë u plagosën në sulmet ajrore të kryera mbrëmjen e djeshme. Sulmet goditën Gazën, Jabaliya, Sabra, Al Zaytoun, Al Nafaq, Tal Al Haëa dhe Khan Younis.
Disa nga viktimat janë ende nën rrënoja, sipas zëvendësministrit të Shëndetësisë Yousef Abu Al-Rish, i cili akuzoi forcat izraelite se synojnë “të shkaktojnë sa më shumë dëme dhe shkatërrime, duke shkatërruar zona të tëra banimi”.
Ministri e përshkroi situatën si një “katastrofë të afërt humanitare” pasi Izraeli filloi një bllokadë të enklavës së dendur të populluar, duke ndërprerë furnizimin me energji elektrike, karburant dhe ujë.
