Kryeministri Edi Rama e ka nisur mëngjesin e kësaj të hëne me pamje nga vizitorët e huaj që zbarkojnë në brigjet shqiptare.
Krahas pamjeve të publikuara në rrjetin social Facebook, kreu i qeverisë bën me dije se mbi 11 mijë pasagjerë kanë hyrë në Shqipëri gjatë fundjavës vetëm në Durrës.
“Mirëmëngjes dhe nga Porti i Durrësit që këtë fundjavë ka pritur mbi 11 mijë pasagjerë, ju uroj një javë të mbarë”, tha Rama në Facebook.
Kujtojmë që ditën e shtunë, në portin e Durrësit mbërriti edhe kroçiera “MS Sirena”, në të cilën ndodhen 694 pasagjerë nga 29 vende të ndryshme të botës.
