Të paktën 111 persona kanë humbur jetën dhe shumë të tjerë rezultojnë ende të zhdukur pas përmbytjeve shkatërrimtare që kanë goditur Nigerinë ditët e fundit. Fillimisht autoritetet raportuan për 21 viktima, por numri është rritur ndjeshëm sot.
Mediat lokale raportojnë se situata është përkeqësuar edhe më shumë pas rrëzimit të një dige në zonë.
Shefi i Agjencisë së Menaxhimit të Emergjencave, Ibrahim Hussaini, tha se mbi 3 mijë banesa janë përmbytur në dy komunitete. Pamjet e publikuara në rrjetet sociale tregojnë ujërat që kanë mbuluar lagje të tëra, ndërsa në disa zona duken vetëm çatitë e shtëpive. Në një video tjetër, një kamion cisternë shihet duke pluskuar mbi rrugët e përmbytura.
Kreu i komunitetit Mokwa, Jibril Muregi, fajësoi infrastrukturën e dobët për pasojat e rënda të përmbytjes. Ai i bëri thirrje qeverisë që të nisë sa më parë ndërtimin e rrjeteve të kanalizimeve, si pjesë e një plani për përballimin e ndryshimeve klimatike.
Përmbytje të ngjashme ndodhën edhe shtatorin e kaluar në Maiduguri, ku reshjet e rrëmbyeshme dhe rrëzimi i një tjetër dige sollën pasoja tragjike: të paktën 30 viktima dhe miliona të zhvendosur.
Nigerisë i ndodhin shpesh përmbytje gjatë sezonit të shirave që nis në prill, por me ngrohjen globale, fenomeni është bërë gjithnjë e më i shpeshtë dhe më ekstrem.
🇳🇬 | Heavy rains caused severe flooding in Mokwa, Niger State, early May 29, 2025, submerging over 50 homes and displacing hundreds of residents.
At least 21 people have been confirmed dead, with many still missing. Rescue efforts are ongoing as authorities search for survivors. pic.twitter.com/Yxnqu6I7xC
— RenderNature (@RenderNature) May 29, 2025
