Virusi SARSCOV-2 ka shkaktuar vdekjen e më shumë e 1 milion personave në botë ndërsa janë infektuar 33,311,425 persona, sipas të dhënave nga Worldometers.
Me hyrjen e vjeshtës numrat e rasteve të reja janë rritur, kryesisht në Europë, ku është paralajmëruar përkeqësim i situatës nëse nuk merren masat.
“Do të bëhet më e vështirë. Do të ketë më shumë viktima në tetor dhe nëntor”, tha më 14 shtator Hans Kluge, drejtori i OBSH për Europën.
Shtetet e Bashkuara janë vendi me më shumë raste dhe viktima nga pandemia. 209,453 amerikanë kanë vdekur që nga fillimi i pandemisë. Vendi i dytë me më shumë humbje jete është Brazili (141,776) dhe e treta India (95,574).
Katër vendet europiane me vdekshmërinë më të lartë janë: Mbretëria e Bashkuara, Italia, Franca dhe Spanja.
Për sa i përket vdekjeve për 100 mijë banorë, Belgjika, Andorra dhe Spanja renditen si vendet me më shumë viktima në Europë, respektivisht me 88.2, 73.9 dhe 67.3.
Virusi SARSCOV-2 u shfaq në fund të viti 2019 në Kinë. Tashmë kanë kaluar 202 ditë që kur Organizata Botërore e Shëndetësisë shpalli zyrtarisht gjendjen e pandemisë./ Opinion.al
