Bota

Mbi 1 mijë viktima nga koronavirusi në Rusi


Bëhu pjesë e Grupit Zyrtar të Opinion.al
>> KËTU <<
               Publikuar në : 13:29 - 16/10/21 |
Opi Nion

Rusia ka raportuar të shtunën 1,002 humbje jete nga koronavirusi, duke shënuar shifrën më të lartë që kur ka filluar pandemia.

Rastet e reja me koronavirus, të konfirmuara më 24 orët e fundit, po ashtu kanë prekur rekordin duke arritur në 33,208, ka njoftuar task-forca për koronavirus.

Në total, task-forca ruse për koronavirus ka regjistruar mbi 7.9 milionë raste të konfirmuara dhe 222,315 vdekje – njëherësh shifrën më të lartë të viktimave në Evropë, dhe të pestën në botë.

Kremlini ka thënë se kësaj situate i ka kontribuar fushata e ngadalshme e vaksinimit, dhe ka shtuar thirrjet për imunizim.

Rusia ka qenë e shpejtë në krijim dhe lansimin e vaksinës Sputnik vitin e kaluar, dhe prej atëherë ka miratuar katër vaksina kundër këtij virusi.

Pavarësisht numrit në rritje të të infektuarve, Kremlini ka hedhur poshtë mundësinë e izolimit kombëtar.

Presidenti rus, Vladimir Putin ka theksuar më 12 tetor, rëndësinë e vaksinimit masiv dhe u ka bërë thirrje ligjvënësve që të inkurajojnë popullsinë për të marrë vaksina.

Rreth një e treta e popullsisë – 43 milionë – është vaksinuar plotësisht kundër koronavirusit, ka thënë kryeministri rus Mikhail Mishustin më 12 tetor.

Pas